ٹریفک ای چالان کے نام پر شہریوں کو دھوکہ دینے والی 100 سے زائد جعلی ویب سائٹس کو بلاک کر دیا گیا ہے۔ یہ کارروائی آن لائن فراڈ کی بڑھتی ہوئی شکایات کے پیش نظر عمل میں لائی گئی۔
پنجاب سیف سٹیز اتھارٹی کے مطابق مذکورہ جعلی ویب سائٹس شہریوں سے ای چالان کی ادائیگی کے بہانے غیر قانونی طور پر رقم وصول کر رہی تھیں۔ یہ ویب سائٹس اصل سرکاری پلیٹ فارمز کی نقل بنا کر عوام کو گمراہ کر رہی تھیں۔
اتھارٹی نے شہریوں کو خبردار کیا ہے کہ وہ ای چالان کی ادائیگی صرف مستند اور سرکاری ویب سائٹس کے ذریعے ہی کریں۔ کسی بھی غیر مصدقہ، مشکوک یا نامعلوم لنک پر ذاتی معلومات یا آن لائن ادائیگی کرنے سے گریز کریں تاکہ مالی نقصان سے بچا جا سکے۔
کراچی میں ایک ماہ میں 93 ہزار سے زائد ای چالان، کروڑوں روپے کے جرمانے عائد
پنجاب سیف سٹیز اتھارٹی کا کہنا ہے کہ شہریوں کے تحفظ کے لیے جعلی آن لائن نیٹ ورکس کے خلاف کارروائیاں آئندہ بھی جاری رہیں گی۔
