برطانیہ میں موسم کی سختی کے پیش نظر شدید برفباری کے الرٹس جاری کر دیے گئے ہیں، جس کے سبب ملک کے مختلف علاقوں میں ٹرانسپورٹ اور روزمرہ زندگی متاثر ہونے کا خدشہ ہے۔
محکمہ موسمیات نے امبر اور ییلو وارننگز جاری کرتے ہوئے شہریوں کو غیر ضروری سفر سے گریز کی ہدایت کی ہے۔
میڈیا رپورٹس کے مطابق اسکاٹ لینڈ میں شدید برفباری کا امکان ہے اور کچھ علاقوں میں برف کی موٹائی 40 سینٹی میٹر تک پہنچ سکتی ہے۔ برفباری کے باعث ریل اور فضائی سروسز میں تاخیر یا منسوخی کا خطرہ موجود ہے۔ پولیس اور مقامی حکام نے شہریوں کو خبردار کیا ہے کہ خراب موسم میں ضروری ہونے تک سفر مؤخر کریں۔
افغانستان میں شدید بارشوں اور سیلاب سے 17 افراد ہلاک، متعدد زخمی
انگلینڈ، ویلز اور شمالی آئرلینڈ میں بھی برف اور جماؤ کے حوالے سے ییلو وارننگ برقرار ہے، اور محکمہ موسمیات نے ملک بھر میں سردی کی لہر کے دوران احتیاطی اقدامات اختیار کرنے کی ہدایت دی ہے۔ امبر کولڈ ہیلتھ الرٹ بھی نافذ کیا گیا ہے تاکہ کمزور طبقات اور بزرگ شہری سردی سے محفوظ رہ سکیں۔
برطانیہ میں رواں سرد موسم کی وجہ سے ٹرانسپورٹ کے علاوہ روزمرہ زندگی بھی متاثر ہو سکتی ہے، خاص طور پر اسکولوں، دفاتر اور کاروباری اداروں میں تعطل کا خدشہ موجود ہے۔ حکام نے شہریوں سے کہا ہے کہ برفباری کے دوران گاڑیوں میں ضروری سامان رکھیں، احتیاطی اقدامات اختیار کریں اور ہنگامی صورتحال کے لیے تیار رہیں۔
سرد موسم کی شدت اور برف باری کے خطرات کے پیش نظر، ملک بھر میں عوام کو محفوظ رہنے اور غیر ضروری سفر سے گریز کرنے کی ہدایات جاری کی گئی ہیں تاکہ حادثات اور ٹریفک کے مسائل سے بچا جا سکے۔
