23
تھانہ کالا گجراں کے ایس ایچ او صداقت علی اور ان کی ٹیم نے اہم کارروائی کرتے ہوئے جسم فروشی کے مکروہ دھندے میں ملوث 6 خواتین سمیت 11 ملزمان کو گرفتار کر لیا۔
ترجمان کے مطابق تھانہ کالا گجراں پولیس نے کارروائی کے دوران ملزمان کے قبضہ سے 2 بوتلیں شراب اور 310 گرام آئس برآمد کر لی، جبکہ ملزمان کے خلاف تھانہ کالا گجراں میں مقدمہ درج کر لیا گیا ہے۔
ڈسٹرکٹ پولیس آفیسر جہلم طارق عزیز سندھو نے کہا کہ جسم فروشی گھناؤنا جرم ہے جو نوجوان نسل کو اخلاقی پستی کی طرف دھکیلتا ہے، جرائم پیشہ عناصر کے خلاف کارروائیوں کا سلسلہ آئندہ بھی جاری رکھا جائے گا۔
ڈی پی او جہلم کا کہنا تھا کہ شہریوں کے تعاون سے ایسے جرائم پیشہ نیٹ ورکس کے خلاف مزید مؤثر کارروائیاں عمل میں لائی جائیں گی۔
