8
خیبرپختونخوا کے وزیراعلیٰ سہیل آفریدی نے کہا ہے کہ اس بار زیادہ ڈیلیور کرکے دکھائیں گے اور پالیسیاں عوامی مفاد میں بنیں گی۔
پشاور بیوٹی فکیشن تقریب سے خطاب میں سہیل آفریدی نے کہا کہ پشاور صوبہ کا دارالخلافہ ہے اور اسے خوبصورت ترین بنانا ہم سب کی ذمہ داری ہے۔
انہوں نے کہا کہ سب سے زیادہ قربانیاں خیبرپختونخوا کے عوام نے دی ہیں، نیٹ ہائیڈل پروفٹ میں ہمارے 2200 ارب روپے بقایہ ہیں، جن میں سے 700 ارب روپے قبائلی اضلاع کے لیے ہیں اور 500 ارب اب بھی بقایہ ہیں۔
ان کا کہنا تھا کہ این ایف سی کا صوبے کا شیئر 19.4 فیصد بنتا ہے، وفاق اپنی ذمہ داری نبھائے اور خیبرپختونخوا کے عوام کے ساتھ سوتیلی ماں جیسا سلوک بند کرے۔
وزیراعلیٰ سہیل آفریدی نے مزید کہا کہ اس بار زیادہ ڈیلیور کرکے دکھائیں گے، قانون میں کسی کو استثنیٰ نہیں دیا جائے گا، پالیسیاں عوامی مفاد میں بنیں گی، عوام مطمئن رہیں اور سیاسی جدوجہد کے دوران بانی کے وژن کے مطابق کام کریں گے
