20
امیر جماعت اسلامی حافظ نعیم الرحمٰن نے صمود فلوٹیلا پر اسرائیلی فوجی حملے کی شدید الفاظ میں مذمت کرتے ہوئے اسے ’’کھلی دہشت گردی‘‘ قرار دیا ہے۔
اپنے بیان میں انہوں نے کہا کہ غزہ اس وقت قحط، بھوک، اور انسانی بحران سے دوچار ہے جبکہ دنیا کے مختلف ممالک سے پرامن افراد امداد لے کر وہاں پہنچنے کی کوشش کر رہے ہیں، لیکن اسرائیل انہیں طاقت کے زور پر روک رہا ہے۔
انہوں نے امریکا کو تنقید کا نشانہ بناتے ہوئے کہا کہ وہ خود کو امن کا علمبردار کہتا ہے مگر اپنے ’’لاڈلے‘‘ اسرائیل کو یہ اجازت بھی نہیں دیتا کہ وہ محصور فلسطینیوں تک امداد پہنچنے دے۔
اسرائیلی فورسز کا غزہ جانے والے صمود فلوٹیلا پر حملہ، سابق سینیٹر مشتاق احمد گرفتار
حافظ نعیم الرحمٰن نے عالمی برادری اور انسانی حقوق کے دعویداروں سے سوال کیا کہ کیا یہی ہے وہ انسانیت، جمہوریت اور قانون جس پر دنیا کو فخر ہے؟
