امریکی شوبز انڈسٹری کی معروف گلوکارہ اور اداکارہ سلینا گومز نے میوزک پروڈیوسر بینی بلانکو کے ساتھ شادی کرلی۔
میڈیا رپورٹس کے مطابق یہ شادی کیلیفورنیا کے علاقے ہوپ رینچ میں منعقد ہوئی جس میں تقریباً 170 مہمانوں نے شرکت کی۔ تقریب میں ہالی ووڈ اور میوزک انڈسٹری کی کئی نامور شخصیات شریک ہوئیں جن میں پاپ اسٹار ٹیلر سوئفٹ، گلوکار ایڈ شیئرن، سماجی شخصیت پیرس ہلٹن اور اداکار اسٹیو مارٹن و مارٹن شارٹ بھی شامل تھے۔
سلینا گومز نے شادی کی تصاویر اپنے انسٹاگرام پر شیئر کیں جن میں وہ سفید دلکش لباس میں جبکہ بلانکو سیاہ ٹکسڈو پہنے ہوئے دکھائی دیے۔ سلینا نے پوسٹ کے کیپشن میں شادی کی تاریخ "9.27.25” لکھی جس پر بلانکو نے کمنٹ کیا: "میری حقیقی زندگی کی بیوی”۔
ووگ میگزین کے مطابق دلہن اور دولہا دونوں نے رالف لارین کے تیار کردہ ملبوسات زیب تن کیے۔
View this post on Instagram
واضح رہے کہ سلینا گومز اور بینی بلانکو نے دسمبر 2023 میں اپنے تعلقات کا اعلان کیا تھا، جس کے ایک سال بعد ان کی منگنی ہوئی اور اب دونوں ازدواجی زندگی میں داخل ہو گئے ہیں۔
