11
پنجاب پولیس نے نوجوانوں کو بڑی خوشخبری سناتے ہوئے سب انسپکٹرز کی بھرتی کا اعلان کر دیا ہے۔ یہ بھرتیاں اوپن میرٹ پر کی جائیں گی، اور اہل امیدوار پنجاب پبلک سروس کمیشن (PPSC) کی ویب سائٹ پر درخواست دے سکتے ہیں۔
تفصیلات کے مطابق، مختلف شہروں میں مجموعی طور پر 300 سب انسپکٹرز بھرتی کیے جائیں گے۔ ان آسامیوں کے لیے اپلائی کرنے کی آخری تاریخ 2 اکتوبر 2025 مقرر کی گئی ہے، جس کے بعد درخواستیں قبول نہیں کی جائیں گی۔
اہلیت کے معیار کے تحت امیدوار کا کم سے کم تعلیمی معیار سیکنڈ ڈویژن میں گریجویشن ہونا ضروری ہے۔ جسمانی معیار میں لڑکوں کے لیے قد کم از کم 5 فٹ 7 انچ جبکہ لڑکیوں کے لیے 5 فٹ 2 انچ مقرر کیا گیا ہے۔
یہ بھرتی نہ صرف نوجوانوں کے لیے روزگار کا بہترین موقع ہے بلکہ قانون نافذ کرنے والے اداروں میں شامل ہو کر ملک کی خدمت کرنے کا بھی سنہری موقع فراہم کرتی ہے۔
