21
کراچی، شہر قائد میں ایک مبینہ پولیس مقابلے کے دوران ڈکیتی کے دوران مزاحمت کرنے پر شہری کو قتل کرنے والا ملزم مارا گیا۔
پولیس حکام کے مطابق ہلاک ہونے والا ملزم قاسم عیدالفطر کے تیسرے روز ڈیفنس کے علاقے میں ڈکیتی کے دوران مزاحمت کرنے پر شہری شاکر سلطان کو قتل کرنے میں ملوث تھا۔
پولیس کے پاس واقعے کی سی سی ٹی وی فوٹیج بھی موجود ہے، جس میں ملزم کو شہری پر فائرنگ کرتے ہوئے دیکھا جا سکتا ہے۔
پولیس حکام نے مزید بتایا کہ یہ دل دہلا دینے والا واقعہ اس وقت پیش آیا جب مقتول کو اس کے کمسن بیٹے کے سامنے گولیاں ماری گئیں، ملزم کے قبضے سے اسلحہ بھی برآمد کیا گیا ہے۔
پولیس حکام کے مطابق ملزم کا ایک ساتھی موقع سے فرار ہونے میں کامیاب ہوگیا، جس کی تلاش کے لیے علاقے میں سرچ آپریشن جاری ہے۔
