گجرات کے علاقے لالہ موسیٰ میں چند ماہ قبل پیش آنے والے ایک قتل کے مقدمے میں پولیس نے اہم پیش رفت کرتے ہوئے دو مرکزی ملزمان کو گرفتار کر لیا۔
گجرات کے علاقے لالہ موسیٰ میں چند ماہ قبل پیش آنے والے ایک قتل کے مقدمے میں پولیس نے اہم پیش رفت کرتے ہوئے دو مرکزی ملزمان کو گرفتار کر لیا۔ گرفتار افراد کے قبضے سے واردات میں استعمال ہونے والا خطرناک اسلحہ، رائفل کلاشنکوف اور 222 بور رائفل بھی برآمد کر لی گئی ہے۔
ڈی ایس پی لالہ موسیٰ سرکل ذوالفقار علی بھٹہ کی نگرانی میں ایس ایچ او تھانہ صدر مہر محمد عتیق اور سب انسپکٹر علی بہادر نے اپنی ٹیم کے ہمراہ پیشہ وارانہ حکمت عملی اور جدید ٹیکنالوجی کی مدد سے کامیاب کارروائی کی۔
گرفتار ملزمان میں محمد الیاس ولد عنایت اور مظہر اقبال ولد محمد اعظم شامل ہیں، جو ٹبی چاند کے رہائشی ہیں۔ پولیس کے مطابق، چند ماہ قبل ایک معمولی جھگڑے پر فائرنگ کرکے انہوں نے علی حسن ولد اظہر محمود کو قتل اور کفیل اظہر کو زخمی کر دیا تھا۔
واقعے کے بعد دونوں ملزمان روپوش ہو گئے تھے، تاہم پولیس کی مسلسل محنت کے نتیجے میں انہیں گرفتار کر لیا گیا۔
پولیس کا کہنا ہے کہ: "جرائم میں ملوث افراد کو کسی صورت بخشا نہیں جائے گا، اور انصاف کی فراہمی یقینی بنائی جائے گی۔”
