180 نئی دہلی، بھارتی ریاست مدھیہ پردیش میں 150 سال قدیم ایک کنویں میں زہریلی گیس بھرنے سے 8 افراد کی موت ہو گئی۔
نئی دہلی، بھارتی ریاست مدھیہ پردیش میں 150 سال قدیم ایک کنویں میں زہریلی گیس بھرنے سے 8 افراد کی موت ہو گئی۔
بھارتی میڈیا کے مطابق، مدھیہ پردیش کے گاؤں کونڈاوت میں یہ کنواں واقع ہے، جس کی صفائی کا کام جاری تھا۔
یہ افسوسناک واقعہ اس وقت پیش آیا جب گاؤں والے گنگور تہوار کے دوران مورتی وسرجن کی رسم کے لیے کنویں کی صفائی کے لیے اترے تھے۔
رپورٹس کے مطابق، پہلے پانچ افراد کنویں میں جمع کیچڑ نکالنے کے لیے اترے، لیکن وہ دلدل میں پھنس گئے، انہیں بچانے کے لیے مزید 3 افراد کنویں میں کودے، مگر وہ بھی پھنس گئے اور کنویں میں زہریلی گیس کے اثر سے دم گھٹنے کے سبب تمام افراد کی جانیں چلی گئیں۔
بعد ازاں ریسکیو اہلکاروں کی مدد سے 4 گھنٹے کی محنت کے بعد تمام ہلاک افراد کی لاشیں کنویں سے نکالی گئیں۔
اس سانحے پر ریاستی حکومت نے گہرے دکھ کا اظہار کرتے ہوئے مرنے والوں کے لواحقین کو فی کس 4 لاکھ روپے دینے کا اعلان کیا۔
