جعلی اور غیر اہل افراد کے 71 ہزار 849 کمپیوٹرائز شناختی کارڈ بلاک کر دیئے گئے۔
اسلام آباد، 5 سال میں جعلی اور غیر اہل افراد کے 71 ہزار 849 کمپیوٹرائز شناختی کارڈ بلاک کر دیئے گئے۔
وزارت داخلہ کی جانب سے بلاک کیے گئے شناختی کارڈز کے حوالے سے اعداد و شمار قومی اسمبلی میں پیش کر دیئے گئے۔
دستاویز میں بتایا گیا ہے کہ 5 سال میں 44 ہزار سے زائد شناختی کارڈ بحال جبکہ 13 ہزار سے زائد پر تفتیش جاری ہے، خیبرپختونخوا میں سب سے زیادہ 25 ہزار 981 شناختی کارڈز بلاک کیے گئے ہیں۔
قومی اسمبلی میں جمع کروائے اعداد و شمار کے مطابق پنجاب میں 13 ہزار 564، سندھ میں 9 ہزار 677 کارڈ بلاک کیے گئے، بلوچستان میں 20 ہزار 583، اسلام آباد میں 1370 شناختی کارڈ بلاک کیے گئے ہیں۔
گلگت بلتستان میں 228 اور آزاد کشمیر میں 446 شناختی کارڈز بلاک جبکہ 44 ہزار 460 شناختی کارڈز ضروری تصدیق کے بعد ان بلاک کر دیئے گئے ہیں، تاہم 13 ہزار 618 بلاک شناختی کارڈز ابھی تک تفتیش کے دائرہ کار سے گزر رہے ہیں۔
