وزیراعظم شہباز شریف 2 روزہ دورے پر سعودی عرب روانہ ہوگئے۔
اسلام آباد: وزیراعظم شہباز شریف آج سعودی عرب کے دو روزہ دورے پر روانہ ہوں گے، جہاں وہ 29 سے 30 اکتوبر تک ریاض میں منعقد ہونے والی سرمایہ کاری کانفرنس میں شرکت کریں گے۔ دفتر خارجہ کے مطابق وزیراعظم کے ہمراہ اہم کابینہ اراکین بھی ہوں گے۔
کانفرنس کا موضوع "لامحدود افق: آج کی سرمایہ کاری، کل کی تشکیل” ہے، جس میں انٹیلی جنس، روبوٹکس، تعلیم، توانائی اور دیگر اہم موضوعات پر بات چیت ہوگی۔ اس دوران وزیراعظم کی سعودی ولی عہد شہزادہ محمد بن سلمان، عالمی رہنماؤں اور صنعتکاروں سے بھی ملاقاتیں متوقع ہیں، جہاں پاک سعودی معاشی اور اسٹریٹجک شراکت داری پر گفتگو ہوگی۔
کانفرنس میں شرکت کے دوران وزیراعظم شہباز شریف مختلف عالمی رہنماؤں اور صنعتکاروں سے ملاقاتیں کریں گے، جس میں اقتصادی، توانائی اور دفاعی شعبوں میں باہمی تعاون پر تبادلہ خیال کیا جائے گا۔
یہ کانفرنس مستقبل کے مختلف شعبوں میں سرمایہ کاری کے مواقع پر توجہ مرکوز کرے گی، جس سے پاکستان اور سعودی عرب کے درمیان معاشی اور تجارتی تعلقات کو فروغ ملے گا۔
