167
انگلش چینل میں کشتی الٹنے سے کم از کم 12 افراد جان کی بازی ہار گئے۔
غیر ملکی میڈیا کا کہنا ہے کہ انگلش چینل میں ایک کشتی کو حادثہ پیش آیا جس میں درجنوں افراد ڈوب گئے۔
مقامی انتظامیہ کے مطابق ایک کشتی میں کافی تعداد میں لوگ سوار تھے، جو انگلش چینل کو پار کرنے کی کوشش کررہے تھے کہ اسی دوران کشتی الٹ گئی۔
انتظامیہ کا کہنا ہے کہ کشتی الٹنے کی اطلاع ملتے ہی انتظامیہ حرکت میں آگئی اور 65 کے قریب افراد کو ڈوبنے سے بچا لیاگیا جب کہ 12 افراد جان کی بازی ہار گئے ہیں۔
انتظامیہ کے مطابق ریسکیو کیے جانے والوں میں 12 افراد اسپتال میں زیر علاج ہیں جن میں 2 افراد کی حالت نازک بتائی جارہی ہے۔
انتظامیہ نے اس حادثے کو رواں سال کا دل دہلا دینے والا واقعہ قرار دیتے ہوئے یہ کہا کہ کشتی کا نچلا حصہ کھلنے کے باعث اسے حادثہ پیش آیا جبکہ کشتی میں سوار کسی بھی شخص کے پاس لائف جیکٹ تک موجود نہیں تھی۔
