جمعہ, 25 اپریل , 2025

روسی صدر پیوٹن یوکرین جنگ نہیں جیت سکیں گے، امریکی صدر

تازہ ترین خبروں اور تبصروں کیلئے ہمارا وٹس ایپ چینل جوائن کریں

امریکی صدر جوبائیڈن کا کہنا ہے کہ روسی صدر ولادیمیر پیوٹن یوکرین جنگ نہیں جیت سکیں گے۔

غیر ملکی میڈیا کے مطابق برطانوی وزیراعظم سر کیئر اسٹارمر کی جانب سے وائٹ ہاؤس آکر امریکا کے صدر جوبائیڈن سے ملاقات کی گئی۔

latest urdu news

اس موقع پرامریکی صدر جوبائیڈن نے کہا کہ روس کے صدر ولادیمیر پیوٹن یوکرین جنگ نہیں جیت سکیں گے جبکہ میں پیوٹن کے بارے میں زیادہ نہیں سوچتا۔

دوسری جانب برطانوی وزیراعظم کیئر اسٹارمر کا کہنا ہے کہ یوکرین جنگ کے حوالے سے آئندہ چند ہفتے اور مہینے اہم ہوسکتے ہیں، امریکا سے خصوصی تعلق مضبوط کیا جائے گا۔

واضح رہے کہ اس سے پہلے ترجمان امریکی قومی سلامتی جان کربی کا کہنا تھا کہ وائٹ ہاؤس نے واضح کردیا ہے کہ یوکرین پر اس بات کی پابندی برقرار ہے کہ وہ روس کے اندرونی علاقوں تک مار کرنے کی صلاحیت کے حامل امریکی میزائلوں سے حملے نہ کرے، اس معاملے پر امریکہ کی پالیسی تبدیل نہیں ہوئی اور نہ ہی وہ اس میں تبدیلی کی کوئی توقع رکھتے ہیں۔

امریکی وضاحت پر صدارتی ترجمان روس کی جانب سے اپنا ردعمل دیتے ہوئے یہ کہا گیا کہ نتائج سے خبردار رہنے کے حوالے سے صدر پیوٹن کا پیغام متعلقہ پتے پر پہنچ گیا ہے۔

News Alert Urdu

شیئر کریں:
frontpage hit counter