غزہ، حماس نے غزہ جنگ بندی کے لیے نئی تجاویز کی مخالفت کردی۔
ترجمان حماس کا کہنا تھا کہ غزہ جنگ بندی کے لیے نئی تجاویز کی ضرورت نہیں، اسرائیل پر دباؤ ڈالا جائے کہ وہ حماس کی جانب سے قبول کیے گئے امریکی منصوبے پر رضا مند ہو۔
حماس ترجمان نے کہا کہ فلاڈیلفی راہداری (غزہ، مصر بارڈر) سے فوج نہ ہٹانے کی ہٹ دھرمی سے نیتن یاہو نے معاہدے کو ناکام بنانے کی کوشش کی، نیتن یاہو حماس کے خلاف جارحیت کو طول دینے کے لیے مذاکرات کا استعمال کرتے ہیں۔
دوسری جانب امریکی حکام کی جانب سے یہ دعویٰ کیا گیا ہے کہ وائٹ ہاؤس غزہ جنگ بندی کے لیے ایک نئی تجویز پیش کرنے کو تیار ہے جس کا مقصد و محور جنگ بندی مذاکرات میں تعطل کے اہم نکات پر کام کرنا ہے۔
امریکی حکام نے کہا کہ زیادہ تر معاہدے پر اتفاق ہوگیا ہے، مذاکرات کار ابھی بھی دو اہم رکاوٹوں کے حل کو آگے بڑھانے کی کوشش کررہے ہیں، معاہدے کا نیا مسودہ اگلے ہفتے یا اس سے بھی جلدی تیار کیا جا سکتا ہے۔
