بھارتی ریاست اترپردیش کے شہر للت پور میں خاتون نے شوہر کو بالوں سے پکڑ کر سڑک پر پیٹا، واقعے کی ویڈیو سوشل میڈیا پر وائرل، عوامی ردعمل دو حصوں میں تقسیم۔
للت پور، بھارتی ریاست اترپردیش کے شہر للت پور میں پیش آنے والا ایک غیر معمولی واقعہ سوشل میڈیا پر موضوعِ بحث بن گیا، جہاں ایک خاتون نے جھگڑے کے دوران اپنے شوہر کو سڑک پر سب کے سامنے تشدد کا نشانہ بنایا۔
بھارتی میڈیا کے مطابق میاں بیوی کے درمیان کسی بات پر تلخ کلامی ہوئی جو بڑھتے بڑھتے ہاتھا پائی میں بدل گئی۔ شوہر نے غصے میں بیوی کا موبائل فون زمین پر مار کر توڑ دیا، جس پر خاتون طیش میں آ گئیں اور شوہر کو بالوں سے پکڑ کر سڑک پر گھسیٹتے ہوئے پیٹنا شروع کر دیا۔
عینی شاہدین کا کہنا ہے کہ خاتون نے شوہر پر تھپڑوں اور مکوں کی بارش کر دی، جبکہ آس پاس موجود لوگ حیرت سے یہ منظر دیکھتے اور ویڈیوز بناتے رہے۔ پولیس موقع پر پہنچی اور شوہر کو خاتون کے چنگل سے چھڑانے میں خاصی دقت کا سامنا کرنا پڑا۔
View this post on Instagram
واقعے کی ویڈیو سوشل میڈیا پر تیزی سے وائرل ہو گئی، جس پر صارفین نے ملے جلے ردعمل کا اظہار کیا۔ کچھ نے خاتون کے عمل کو غصے پر قابو نہ رکھنے کی مثال قرار دیا، تو کچھ نے کہا کہ عوامی جگہ پر اس قسم کا رویہ میاں بیوی دونوں کے لیے باعثِ شرمندگی ہے۔
