بھارتی چیف آف ڈیفنس اسٹاف جنرل انیل چوہان نے ملکی دفاعی صنعت پر برہمی کا اظہار کرتے ہوئے اس پر عدم اعتماد ظاہر کیا کہ وہ وقت پر معاہدے پورے نہیں کر رہی۔
ایک تقریب سے خطاب میں جنرل انیل چوہان نے کہا کہ معاہدے کے باوجود وقت پر ڈیلیوری نہ کرنا ہمارے صنعتی معیار اور صلاحیت کو نقصان پہنچاتا ہے۔ انہوں نے کہا کہ صنعت کو اپنی مقامی صلاحیت کے بارے میں سچ بولنا ہوگا کیونکہ یہ قومی سلامتی سے جڑا ہوا مسئلہ ہے۔
جنرل انیل چوہان نے مزید کہا کہ دفاعی صنعت سے توقع ہوتی ہے کہ وہ منافع کمانے کے بجائے حب الوطنی اور قومیت کے ساتھ کام کرے۔ دفاعی اصلاحات کا عمل یکطرفہ نہیں ہو سکتا، صنعت کو اپنی صلاحیت کے بارے میں شفاف ہونا ضروری ہے۔
انہوں نے نشاندہی کی کہ کئی کمپنیاں دعویٰ کرتی ہیں کہ ان کی مصنوعات 70 فیصد مقامی ہیں، لیکن حقیقت میں ایسا نہیں ہے، اور قیمت کے لحاظ سے بھی یہ بین الاقوامی معیار کے مطابق مہنگی ہیں۔
#WATCH | Delhi: CDS Gen Anil Chauhan says, "Our expectation from the industry. We expect a bit of nationalism and patriotism in your profit-driven endeavours…Industry will have to be truthful about its capabilities to us. You can’t leave us in a lurch. If you sign a contract… pic.twitter.com/s4UNlMC7Ur
— ANI (@ANI) November 14, 2025
