امریکا نے ایران کے اہم رہنماؤں کے بارے میں معلومات فراہم کرنے والوں کے لیے 10 ملین ڈالر تک انعام دینے کا اعلان کیا ہے۔ امریکی محکمہ خارجہ کے مطابق یہ اعلان ریوارڈز فار جسٹس پروگرام کے تحت کیا گیا ہے۔
محکمہ خارجہ کے ایک بیان میں کہا گیا ہے کہ جو بھی شخص ایران کے سپریم لیڈر مجتبیٰ خامنہ ای سمیت دیگر اہم شخصیات کے بارے میں قابلِ اعتماد معلومات فراہم کرے گا، اسے نہ صرف مالی انعام دیا جا سکتا ہے بلکہ اسے امریکا منتقل ہونے کے لیے بھی اہل قرار دیا جا سکتا ہے۔
امریکی حکام کے مطابق جن ایرانی رہنماؤں کے بارے میں معلومات طلب کی گئی ہیں ان میں مجتبیٰ خامنہ ای کے علاوہ ایران کے وزیرِ انٹیلی جنس اسماعیل خطیب، سپریم کونسل کے سیکرٹری علی لاریجانی، نائب چیف آف اسٹاف علی اصغر حجازی، میجر جنرل یحییٰ رحیم صفوی اور بریگیڈیئر جنرل اسکندر مومنی سمیت دیگر شخصیات شامل ہیں۔
ٹرمپ کا ایران کے نئے رہبر اعلیٰ مجتبیٰ خامنہ ای پر فوری ردعمل دینے سے گریز
دوسری جانب تہران میں یومِ القدس کے موقع پر نکالی گئی ریلی میں علی لاریجانی اور دیگر ایرانی رہنما شریک ہوئے۔ اس موقع پر رہنماؤں نے عوام کے ساتھ ملاقاتیں کیں، تصاویر بنوائیں اور امریکا کے خلاف نعرے بھی لگائے۔
