امریکا نے خطے میں بڑھتے سکیورٹی خدشات کے پیشِ نظر 14 ممالک سے اپنے شہریوں کو فوری طور پر نکلنے کی ہدایت جاری کر دی ہے۔ امریکی محکمہ خارجہ کے مطابق یہ اقدام ممکنہ خطرات کے باعث احتیاطی تدبیر کے طور پر اٹھایا گیا ہے۔
محکمہ خارجہ کی جانب سے جاری فہرست میں یو اے ای اور یمن شامل ہیں۔
دوسری جانب اسرائیل کی جانب سے ایران میں مبینہ طور پر فوجی تنصیبات کو نشانہ بنانے کی اطلاعات بھی سامنے آئی ہیں، جن میں فوجی ہیڈکوارٹر اور پرانی پارلیمنٹ کی عمارت شامل بتائی جا رہی ہے۔
ایران کے وزیر خارجہ نے امریکی وزیر خارجہ کے بیان پر ردعمل دیتے ہوئے کہا کہ امریکا نے اسرائیل کی جنگ میں شمولیت اختیار کی ہے۔ ان کا کہنا تھا کہ خطے میں ہونے والی ہلاکتوں کی ذمہ داری اسرائیل پر عائد ہوتی ہے اور امریکی عوام بہتر حکمرانی کے مستحق ہیں۔
خطے میں جاری کشیدگی کے باعث سفارتی سرگرمیوں اور فضائی آپریشنز میں اضافہ دیکھنے میں آ رہا ہے، جبکہ عالمی برادری صورتحال پر گہری نظر رکھے ہوئے ہے۔
