9
ماسکو،روسی صدر ولادیمیر پیوٹن نے یوکرین جنگ میں ممکنہ جنگ بندی کے لیے نئی شرائط پیش کر دی ہیں۔
برطانوی جریدے فنانشل ٹائمز کی رپورٹ کے مطابق روس نے اشارہ دیا ہے کہ اگر یوکرین اپنی افواج کو ڈونیسک اور لوہانسک کے متنازع علاقوں سے واپس بلا لے تو ماسکو جنگ بندی پر تیار ہے۔ یہ تجویز روس کی جانب سے غیر رسمی سفارتی چینلز کے ذریعے مغربی ممالک تک پہنچائی گئی۔
رپورٹ کے مطابق ان دو علاقوں سے یوکرینی انخلا کو جنگ کے خاتمے کی **کلید** قرار دیا جا رہا ہے، تاہم یوکرین اور اس کے اتحادیوں نے اس پر تاحال کوئی باضابطہ ردعمل نہیں دیا۔
فنانشل ٹائمز کے مطابق روس کی یہ تجویز بظاہر مذاکرات کی میز پر واپسی کی ایک کوشش ہے، مگر اس کے نتیجے میں یوکرین کی **خودمختاری اور علاقائی سالمیت** کے حوالے سے سنجیدہ سوالات کھڑے ہو گئے ہیں۔
