5
برطانیہ کے دفتر برائے قومی شماریات نے گزشتہ سال ملک چھوڑنے والے شہریوں کے اعداد و شمار جاری کر دیے ہیں۔ اعداد و شمار کے مطابق 2024 میں تقریباً 2 لاکھ 57 ہزار برطانوی شہری ملک چھوڑ گئے۔
میڈیا رپورٹس کے مطابق گزشتہ برس برطانیہ کی نیٹ مائیگریشن توقع سے 20 فیصد کم رہی اور دسمبر 2024 میں یہ تعداد کم ہوکر 34,500 تک پہنچ گئی۔ برطانوی شہریوں کی نیٹ مائیگریشن کا تخمینہ پہلے بین الاقوامی مسافروں کے سروے پر مبنی تھا، لیکن اب دفتر برائے قومی اعداد و شمار نے ڈیپارٹمنٹ فار ورک اینڈ پینشن کے ڈیٹا کے مطابق نظرثانی شدہ تخمینہ تیار کیا ہے۔
رپورٹس میں بتایا گیا ہے کہ واپس آنے والے شہریوں کی تعداد میں اضافہ ہوا ہے اور یہ تعداد تقریباً 1 لاکھ 43 ہزار تک پہنچ گئی ہے، جس سے ظاہر ہوتا ہے کہ ملک چھوڑنے اور واپس آنے والے شہریوں میں فرق کم ہو رہا ہے۔
