2
دبئی: متحدہ عرب امارات کی عدالت نے ایک شخص کو بغیر اجازت ساتھی کی گاڑی استعمال کرنے، تیز رفتاری سے چلانے اور گاڑی ضبط کروانے کے کیس میں 10 ہزار درہم جرمانہ اور ملک بدری کی سزا سنا دی ہے۔
رپورٹ کے مطابق ملزم پر فوجداری عدالت کی جانب سے پہلے ہی قید، ایک سال کے لیے ڈرائیونگ لائسنس کی معطلی، گاڑی ضبطی اور ملک بدری کی سزا سنائی جا چکی تھی۔
مدعیہ خاتون نے عدالت میں کہا کہ ملزم نے اس کی گاڑی بغیر اجازت لے کر تیز رفتاری سے چلائی اور گاڑی بھی ضبط کروائی، جس کی مرمت اور گاڑی چھڑوانے پر اسے 11 ہزار درہم خرچ کرنا پڑے۔
ملزم نے دعویٰ کیا کہ اس نے خاتون کو 9 ہزار 400 درہم پہلے ہی ادا کر دیے ہیں، تاہم عدالت نے بغیر اجازت گاڑی استعمال کرنے اور غیر محتاط رویے کی وجہ سے 10 ہزار درہم ہرجانہ اور ملک بدری کا حکم جاری کر دیا۔
