دبئی انٹرنیشنل ایئرپورٹ کے قریب دو ڈرون گرنے کے نتیجے میں چار افراد زخمی ہو گئے۔ حکام کے مطابق واقعے کے باوجود ایئرپورٹ پر پروازوں کا نظام معمول کے مطابق جاری ہے۔
دبئی میڈیا آفس کی جانب سے جاری بیان میں بتایا گیا ہے کہ واقعہ بدھ کے روز پیش آیا جب دو ڈرون ایئرپورٹ کی حدود کے قریب گر گئے، جس کے نتیجے میں چار افراد کو معمولی چوٹیں آئیں۔
حکام کے مطابق زخمی ہونے والوں میں گھانا کے دو شہری جبکہ بنگلہ دیش اور بھارت کا ایک ایک شہری شامل ہے۔ تمام افراد کو معمولی نوعیت کی چوٹیں آئیں اور انہیں فوری طبی امداد فراہم کی گئی۔
دبئی کے قریب آسٹریلوی ایئر بیس پر ایرانی ڈرون حملہ
ترجمان کے مطابق واقعے کے بعد بھی دبئی انٹرنیشنل ایئرپورٹ پر فضائی آمد و رفت معمول کے مطابق جاری ہے اور پروازوں کے شیڈول پر کوئی بڑا اثر نہیں پڑا۔ متعلقہ حکام واقعے کی مزید تحقیقات کر رہے ہیں۔
