7
ترکی کے وزارتِ دفاع نے تصدیق کی ہے کہ ایک سی-130 فوجی کارگو طیارہ جارجیا میں حادثے کا شکار ہو گیا۔ یہ طیارہ آذربائیجان سے ترکی واپس روانہ ہو رہا تھا کہ جارجیا کی حدود میں گر کر تباہ ہو گیا۔
وزارتِ دفاع نے بتایا کہ جارجیا کے حکام کے تعاون سے فوری طور پر سرچ اور ریسکیو آپریشن شروع کر دیے گئے ہیں۔ تاہم، ابھی تک یہ واضح نہیں ہو سکا کہ حادثے کی وجہ کیا تھی یا اس میں عملے کو کوئی نقصان پہنچا ہے یا نہیں۔
ابتدائی اطلاعات کے مطابق، حادثے کے بعد ریسکیو ٹیمیں موقع پر پہنچ گئی ہیں اور طیارے کے ملبے کی تلاش اور بچاؤ کی کارروائیاں جاری ہیں۔ وزارتِ دفاع نے کہا ہے کہ حادثے کے حوالے سے مزید معلومات جلد فراہم کی جائیں گی اور ضرورت پڑنے پر بین الاقوامی تعاون بھی لیا جائے گا۔
