9
کوالالمپور: امریکی صدر ڈونلڈ ٹرمپ ملائیشیا کے سرکاری دورے پر پہنچے تو ایئرپورٹ پر ان کا پُرتپاک اور رنگارنگ استقبال کیا گیا۔
استقبالیہ تقریب میں مقامی فنکاروں نے ملائیشین روایتی رقص پیش کیا جسے دیکھ کر ٹرمپ خوشی سے مسکرا اٹھے اور خود بھی رقص کی دُھن پر جھومنے لگے۔ اس موقع پر امریکی صدر نے امریکا اور ملائیشیا کے پرچم بھی لہرا کر خیرسگالی کا اظہار کیا۔
ٹرمپ کا یہ دورہ ایشیا کے کئی ممالک کے طویل سفارتی دورے کا پہلا مرحلہ ہے۔ وہ اس سفر کے دوران کمبوڈیا اور تھائی لینڈ کے درمیان ہونے والے جامع جنگ بندی معاہدے کی دستخطی تقریب میں شرکت کریں گے۔
ٹرمپ کا پاک افغان تنازع کے حل میں دلچسپی کا اظہار: “میں مسئلہ اچھے طریقے سے حل کر سکتا ہوں”
ملائیشیا کے بعد امریکی صدر جاپان جائیں گے، جہاں ان کی ملاقات نئی وزیرِاعظم سانائے تاکائچی سے ہوگی، جب کہ بعد ازاں وہ جنوبی کوریا بھی جائیں گے جہاں چینی صدر شی جن پنگ سے اہم ملاقات متوقع ہے۔
