امریکی صدر ڈونلڈ ٹرمپ نے خبردار کیا ہے کہ اگر ایران کے ساتھ مذاکرات کامیاب نہ ہوئے تو سخت فوجی کارروائی کی جائے گی۔ انہوں نے کہا کہ مشرق وسطیٰ میں صورتحال کو قابو میں رکھنے کے لیے اضافی بحری بیڑہ اور فوجی تعینات کرنے پر غور کیا جا رہا ہے۔
ٹرمپ نے میڈیا سے گفتگو میں کہا کہ ایران کے ساتھ کسی معاہدے پر عدم اتفاق عالمی سطح پر خطرناک نتائج کا سبب بن سکتا ہے۔ اس کے علاوہ وال اسٹریٹ جرنل کے مطابق، امریکی انتظامیہ ایرانی تیل بردار جہازوں پر کنٹرول حاصل کرنے کے اقدامات پر بھی غور کر رہی ہے تاکہ دباؤ بڑھایا جا سکے۔
اس موقع پر اسرائیلی وزیراعظم واشنگٹن پہنچ گئے ہیں تاکہ صدر ٹرمپ سے ملاقات کر کے ایران کے ساتھ مذاکرات اور مشرق وسطیٰ کی موجودہ صورتحال پر تبادلہ خیال کریں۔
ایران بات چیت کی راہ پر آ گیا، حملے سے بچنا چاہتا ہے:ٹرمپ کا دعویٰ
واضح رہے کہ مغربی کنارے پر کنٹرول بڑھانے کے اسرائیلی فیصلے کے خلاف عالمی سطح پر مذمت کی جا رہی ہے، جس میں کینیڈا نے بھی کہا کہ یہ اقدام بین الاقوامی قوانین اور اصولوں کے منافی ہے اور خطے میں امن کی کوششوں کو شدید نقصان پہنچا سکتا ہے۔
