واشنگٹن میں امریکی صدر ڈونلڈ ٹرمپ کے اسٹیٹ آف دی یونین خطاب کے دوران ایوان میں غیر معمولی صورتحال پیدا ہوگئی جب دو ڈیموکریٹ ارکانِ کانگریس نے شدید احتجاج کیا۔ غیر ملکی میڈیا کے مطابق ارکان الہان عمر اور رشیدہ طالب نے خطاب کے دوران صدر ٹرمپ پر نعرے بازی کی اور الزام لگایا کہ ان کی پالیسیوں کی وجہ سے امریکی شہری متاثر ہوئے ہیں۔
صدر ٹرمپ نے احتجاج کے جواب میں کہا کہ "آپ کو مجرموں کا تحفظ کرتے ہوئے خود پر شرم آنی چاہیے”۔ ان کے اس مؤقف پر ریپبلکن ارکان نے تالیاں بجا کر حمایت کا اظہار کیا، جبکہ ایوان میں شور و غل پھیل گیا۔
ماہرین کے مطابق یہ واقعہ امریکی سیاست میں بڑھتی ہوئی قطبی سیاست کی عکاسی کرتا ہے، جہاں پارلیمانی ارکان اپنے موقف کے اظہار کے لیے کھلے عام احتجاج کرتے ہیں۔ اس موقع پر صدر کی سختی اور مخالفین کی احتجاجی کارروائی نے ایوان میں کشیدگی بڑھا دی۔
اسٹیٹ آف دی یونین خطاب: ٹرمپ کا ایران کے میزائل پروگرام اور جوہری سرگرمیوں پر سخت مؤقف
واضح رہے کہ یہ احتجاج صدر کے خطاب کے دوران سامنے آیا، جس میں وہ ملکی داخلی پالیسی اور بیرونی تعلقات کے حوالے سے اہم فیصلوں کا دفاع کر رہے تھے۔
