سعودی عرب انٹرنیشنل میری ٹائم آرگنائزیشن کونسل کا رکن بن گیا

لندن: سعودی عرب کو 2026-2027 کے لیے انٹرنیشنل میری ٹائم آرگنائزیشن (IMO) کونسل میں رکن کے طور پر منتخب کر لیا گیا ہے۔

سعودی میڈیا کے مطابق انتخاب میں سعودی عرب کے حق میں 142 ووٹ ڈالے گئے، جس کے بعد یہ ملک کونسل کا رکن بن گیا۔

سعودی وزیر ٹرانسپورٹ صالح الجاسر نے اس کامیابی کو سعودی وژن 2030 کے تحت سمندری ٹرانسپورٹ کے ترقیاتی ہدف کا نتیجہ قرار دیا۔ انہوں نے کہا کہ ’’سمندری تنظیم میں رکنیت دنیا کے اعتماد اور سعودی عرب کی صلاحیتوں و قیادت کا مظہر ہے۔ یہ کامیابی سعودی عرب کے سمندری شعبے میں عالمی سطح پر اپنی حیثیت مضبوط کرنے کے وژن کا حصہ ہے۔‘‘