روس: ریازن میں فیکٹری دھماکا، 11 ہلاک، 130 سے زائد زخمی

ماسکو، روس کے علاقے ریازن میں ایک فیکٹری میں دھماکے کے نتیجے میں 11 افراد ہلاک اور 130 سے زائد زخمی ہوگئے۔

غیر ملکی میڈیا کے مطابق دھماکا فیکٹری کی ورکشاپ کے اندر آگ بھڑکنے کے باعث ہوا، تاہم آگ لگنے کی اصل وجوہات تاحال سامنے نہیں آ سکیں۔ زخمیوں کو فوری طور پر قریبی اسپتال منتقل کر دیا گیا ہے جہاں متعدد افراد کی حالت نازک بتائی جا رہی ہے۔

رپورٹس کے مطابق بعض آزاد ذرائع نے دعویٰ کیا ہے کہ دھماکا گن پاؤڈر بنانے والی فیکٹری میں ہوا، تاہم سرکاری حکام کی جانب سے اس کی تصدیق یا تردید نہیں کی گئی۔

ریسکیو ادارے جائے وقوعہ پر پہنچ گئے ہیں اور امدادی کارروائیاں جاری ہیں۔