پاک بھارت جنگ تجارت کے ذریعے رکائی، سات بھارتی نئے طیارے گرائے جاچکے تھے

امریکی صدر ڈونلڈ ٹرمپ نے جاپان کے دورے کے دوران کہا کہ پاکستان اور بھارت کے درمیان ممکنہ جنگ کو تجارت کے ذریعے روکا گیا۔ انہوں نے دعویٰ کیا کہ بھارت کے سات بالکل نئے جنگی طیارے پہلے ہی گرائے جا چکے تھے۔

ٹرمپ نے بتایا کہ انہوں نے نریندر مودی، پاکستان کے وزیراعظم اور فیلڈ مارشل سے براہِ راست رابطہ کیا، اور کہا کہ اگر دونوں ممالک لڑیں گے تو امریکہ کوئی معاہدہ نہیں کرے گا۔ ان کے مطابق اس رابطے کے بعد صرف 24 گھنٹے میں معاملہ ختم ہو گیا۔

امریکی صدر نے دونوں ممالک کو دو بڑی ایٹمی طاقتیں قرار دیتے ہوئے کہا کہ اگر جنگ ہوتی تو عالمی سطح پر شدید اثرات مرتب ہوتے۔ انہوں نے مودی اور پاکستانی رہنماؤں کو شائستہ اور اچھی شخصیات قرار دیا۔