امریکی صدر ڈونلڈ ٹرمپ نے ایک مرتبہ پھر پاکستان اور بھارت کے درمیان کشیدگی کا حوالہ دیتے ہوئے دعویٰ کیا ہے کہ دونوں ممالک کے درمیان جھڑپوں کے دوران دس طیارے گرائے گئے تھے۔
امریکی میڈیا کو دیے گئے ایک انٹرویو میں صدر ٹرمپ نے کہا کہ ان کے خیال میں پاکستان اور بھارت کے درمیان صورتحال انتہائی سنگین ہو چکی تھی اور معاملہ ایٹمی تصادم کی طرف بڑھ سکتا تھا۔ انہوں نے کہا کہ دونوں ممالک کے درمیان شدید نوعیت کی لڑائی جاری تھی۔
صدر ٹرمپ کا کہنا تھا کہ تجارتی محصولات (ٹیرف) سمیت سفارتی اقدامات کے ذریعے حالات کو مزید بگڑنے سے روکا گیا۔ ان کے مطابق اگر بروقت مداخلت نہ کی جاتی تو خطے میں بڑی جنگ چھڑ سکتی تھی۔
امریکی صدر ٹرمپ نے مغربی کنارے پر اسرائیلی قبضے کی مخالفت کی
گفتگو کے دوران انہوں نے ایران کے جوہری اور بیلسٹک میزائل پروگرام کا بھی ذکر کیا اور کہا کہ ایران امریکا کے ساتھ معاہدہ کرنا چاہتا ہے۔ ٹرمپ نے کہا کہ اگر ایران معاہدہ نہیں کرتا تو یہ اس کے لیے دانشمندانہ فیصلہ نہیں ہوگا۔
