بھارتی آرمی چیف جنرل اوپیندر دویدی نے آپریشن سندور کے حوالے سے حیران کن انکشافات کرتے ہوئے اعتراف کیا ہے کہ یہ کارروائی بغیر کسی مکمل منصوبہ بندی کے شروع کی گئی تھی اور بھارت کو نہ اس آپریشن کی سمت کا علم تھا، نہ ہی پاکستان کے ممکنہ ردعمل کا اندازہ تھا۔
جنرل دویدی کا کہنا تھا کہ "ہمیں معلوم ہی نہیں تھا آپریشن سندور میں کرنا کیا ہے، اور یہ بھی نہیں سوچا تھا کہ پاکستان کا جواب اتنا مؤثر اور تباہ کن ہوگا۔”
یہ بیان انہوں نے آئی آئی ٹی مدراس میں بھارتی فوج کے تحقیقاتی سیل کی افتتاحی تقریب سے خطاب کرتے ہوئے دیا۔ انہوں نے آپریشن کو شطرنج کے ایک غیر سوچے سمجھے چال سے تشبیہ دی، جس میں بھارت کو بری طرح نقصان اٹھانا پڑا۔
یاد رہے کہ بھارت نے مئی کے پہلے ہفتے میں پاکستان کے خلاف "آپریشن سندور” کا آغاز کیا تھا، جس کے دوران بھارتی فضائیہ نے بہاولپور سمیت پاکستان کے کئی شہروں میں فضائی حملے کیے۔ تاہم پاکستان ایئر فورس نے فوری اور مؤثر جوابی کارروائی کرتے ہوئے بھارت کے 6 جنگی طیارے، بشمول رافیل، مار گرائے۔
بھارتی ایئرچیف کا بے بنیاد دعویٰ ، آپریشن سندور میں شکست چھپانے کی ناکام کوشش
پاکستان نے 10 مئی کو بھارتی جارحیت کے جواب میں فتح میزائلوں کے ذریعے بھارتی ایئر بیسز، میزائل ڈپو اور دیگر فوجی تنصیبات کو نشانہ بنایا، جس سے بھارت کو بھاری جانی اور مالی نقصان ہوا۔
