اسرائیل کے وزیرِاعظم بینجمن نیتن یاہو نے کہا ہے کہ ایران سے لاحق خطرات کا مقابلہ کرنے کے لیے اہم ممالک کے ساتھ مل کر ایک نیا اتحاد قائم کیا جا رہا ہے۔ ان کے مطابق اس اقدام کا مقصد خطے میں سیکیورٹی کو مضبوط بنانا ہے۔
غیر ملکی خبر رساں اداروں کے مطابق نیتن یاہو نے ایک خطاب میں کہا کہ اسرائیل مختلف ممالک کے ساتھ مل کر مشترکہ حکمتِ عملی تیار کر رہا ہے، تاہم انہوں نے اس اتحاد میں شامل ممالک کے نام یا دیگر تفصیلات ظاہر نہیں کیں۔
اپنے ریکارڈ شدہ بیان میں انہوں نے دعویٰ کیا کہ ایران کے علاقائی اتحادی اب اسرائیل کے لیے بڑا خطرہ نہیں رہے، لیکن ایران کی جانب سے ڈرونز اور میزائل حملوں کا سلسلہ جاری ہے۔ ان کا کہنا تھا کہ یہ حملے مؤثر نہیں ہیں اور اسرائیل ان کا مقابلہ کرنے کی صلاحیت رکھتا ہے۔
نیتن یاہو کی معافی کی درخواست پر مزید وضاحت طلب، فیصلہ مؤخر
انہوں نے مزید کہا کہ ایران کے خلاف اسرائیلی عسکری کارروائیاں مزید تیز کی جائیں گی اور یہ مہم اس وقت تک جاری رہے گی جب تک ایرانی حکومت کے خطرات کا مکمل خاتمہ نہیں ہو جاتا۔
