15
غزہ، اسرائیلی فوج نے شمالی غزہ میں حملے تیز کر دیے، دیگر علاقوں پر بھی شدید بمباری کی گئی جس کے نتیجے میں مزید 90 سے زائد فلسطینی شہید ہوگئے۔
غزہ کی وزارتِ صحت کے مطابق بدھ کو ہونے والے ان حملوں میں امداد لینے کے لیے جمع 37 فلسطینی بھی شہداء میں شامل ہیں۔
غزہ میں قحط کی سنگین صورتحال برقرار ہے اور بھوک کی شدت سے مزید 8 فلسطینی انتقال کر گئے، اس طرح اسرائیل کی مسلط کردہ بھوک سے اموات کی مجموعی تعداد 235 تک پہنچ گئی ہے۔
دوسری جانب یورپی ممالک نے غزہ میں بڑھتے قحط پر شدید تشویش کا اظہار کرتے ہوئے اسرائیل سے مطالبہ کیا ہے کہ امداد کی محفوظ ترسیل یقینی بنائی جائے۔
نیوزی لینڈ نے بھی غزہ میں امداد میں رکاوٹ ڈالنے اور فلسطینیوں کی جبری بے دخلی کو شرمناک قرار دیا ہے۔
