اسرائیلی فوج نے غزہ شہر میں زمینی کارروائیاں شروع کر دی ہیں جس کے نتیجے میں مزید 90 فلسطینی شہید ہو گئے ہیں۔ یہ کارروائیاں کئی ہفتوں سے جاری فضائی بمباری کے بعد کی گئی ہیں، جنہوں نے علاقے میں انسانی بحران کو شدید تر کر دیا ہے۔
غیر ملکی میڈیا رپورٹس کے مطابق، اسرائیلی فوج کی اس تازہ کارروائی نے غزہ کی صورتحال کو مزید نازک بنا دیا ہے اور متعدد بے گناہ شہری اس میں ہلاک ہوئے ہیں۔ اس کے ساتھ ہی بین الاقوامی برادری نے اس کارروائی کی سخت مذمت کی ہے۔
جرمنی اور یورپی یونین نے اسرائیلی فوج کی زمینی کارروائیوں کو شدید تنقید کا نشانہ بنایا ہے۔ یورپی یونین کی خارجہ پالیسی کی سربراہ کایا کالاس نے کہا کہ یہ زمینی حملہ غزہ کی موجودہ سنگین صورتحال کو مزید خراب کر دے گا۔ یورپی کمیشن کے اجلاس میں اسرائیل پر ممکنہ پابندیوں پر بھی غور کیا جا رہا ہے۔
اقوامِ متحدہ نے پہلی بار غزہ پر اسرائیلی جارحیت کو نسل کشی قرار دے دیا
اسی طرح، کینیڈا نے بھی اسرائیل کی اس زمینی کارروائی کو "خوفناک” قرار دیا ہے اور کہا ہے کہ اس حملے سے انسانی بحران سنگین ہو گیا ہے۔ کینیڈا نے اسرائیل سے بین الاقوامی قوانین کی پاسداری کرنے کا مطالبہ کیا ہے تاکہ شہریوں کی حفاظت کو یقینی بنایا جا سکے۔
