6
بیروت: عرب میڈیا کے مطابق اسرائیل نے جنوبی لبنان کے قصبے تول میں ایک کار کو ڈرون حملے میں نشانہ بنایا، جس کے نتیجے میں 2 افراد شہید اور 2 زخمی ہوگئے۔
یہ حملہ ایسے وقت میں ہوا ہے جب گزشتہ روز بھی اسرائیلی فضائی حملوں کے باعث مشرقی اور جنوبی لبنان میں 4 افراد شہید ہوئے تھے۔
اسرائیل نے دعویٰ کیا ہے کہ یہ حملے لبنانی مزاحمتی تنظیم حزب اللہ کے ٹھکانوں پر کیے گئے، تاہم لبنانی ذرائع کا کہنا ہے کہ عام شہری بھی ان حملوں کی زد میں آئے۔
عرب میڈیا کے مطابق اسرائیل کی جانب سے نومبر 2024 کے جنگ بندی معاہدے کی خلاف ورزیاں اب بھی روزانہ کی بنیاد پر جاری ہیں، جس سے خطے میں کشیدگی ایک بار پھر بڑھنے کا خدشہ پیدا ہوگیا ہے۔
