ایران پر اسرائیل اور امریکا کے درمیان جاری کشیدگی نے عالمی فضائی صنعت کو شدید متاثر کیا ہے، جس کے نتیجے میں دنیا کی 20 بڑی ایئرلائنز کو مجموعی طور پر تقریباً 53 ارب ڈالر کا نقصان اٹھانا پڑا ہے۔
بین الاقوامی رپورٹس کے مطابق اس تنازع کے باعث خلیجی خطے کے اہم ہوائی اڈے اور پروازیں متاثر ہوئی ہیں، جس سے فلائٹ آپریشنز میں رکاوٹیں پیدا ہو رہی ہیں اور ایئرلائنز کو بڑے مالی خسارے کا سامنا ہے۔
ماہرین کا کہنا ہے کہ یہ بحران کورونا کے بعد ایئرلائن انڈسٹری کے لیے ایک اور بڑا دھچکا ثابت ہو رہا ہے۔ جنگی صورتحال کے باعث ایندھن کی سپلائی متاثر ہونے کا خدشہ ہے، جس سے صنعت مزید مشکلات کا شکار ہو سکتی ہے۔
عالمی فضائی کمپنیوں نے پروازوں کے راستے تبدیل کر دیے
رپورٹس کے مطابق جنگ شروع ہونے کے بعد جیٹ فیول کی قیمت تقریباً دگنی ہو چکی ہے، جس کے نتیجے میں ایئر ٹکٹوں کی قیمتوں میں نمایاں اضافے کا امکان ظاہر کیا جا رہا ہے۔
