6
تہران: ایران نے پاسداران انقلاب کی کارروائی کے دوران اسمگل شدہ ایندھن لے جانے والے غیر ملکی جہاز کو قبضے میں لے لیا ہے۔
ایرانی میڈیا کے مطابق، یہ جہاز جنوبی افریقی ملک اسواتینی (سوازی لینڈ) کے جھنڈے تلے چل رہا تھا اور اس میں ساڑھے تین لاکھ لیٹر اسمگل شدہ ایندھن موجود تھا۔ جہاز میں 13 عملے کے ارکان سوار تھے، جن کا تعلق پڑوسی ملک اور بھارت سے بتایا گیا ہے۔
یہ واقعہ ایران کی جانب سے خلیج میں سمگلنگ کے خلاف سخت موقف کو ظاہر کرتا ہے۔ اس سے قبل بھی رواں ماہ پاسداران انقلاب نے مارشل آئی لینڈز کے پرچم بردار ایک آئل ٹینکر کو ضبط کیا تھا، جسے بعد میں کمپنی کی درخواست پر ایران نے رہا کیا تھا اور تمام 21 عملے کے ارکان محفوظ تھے۔
