10
سیستان بلوچستان میں فائرنگ کے تبادلے کے دوران ایرانی فورسز نے 6 عسکریت پسند مار گرائے، 2 گرفتار، ہلاک افراد کا تعلق اسرائیلی خفیہ ایجنسی موساد سے جوڑا جا رہا ہے۔
ایران کے صوبے سیستان بلوچستان میں سیکیورٹی فورسز کی کارروائی کے دوران 6 عسکریت پسند ہلاک اور 2 گرفتار کر لیے گئے۔
رپورٹس کے مطابق فائرنگ کے تبادلے میں ہلاک ہونے والے عسکریت پسندوں کا تعلق اسرائیل سے ہے اور یہ مبینہ طور پر اسرائیلی خفیہ ایجنسی موساد کے زیر تربیت رہے تھے۔
ایرانی حکام کے مطابق ہلاک عسکریت پسندوں میں سے ایک مقامی تھا جبکہ باقی سب غیرملکی تھے، تاہم ان کی شہریت ظاہر نہیں کی گئی۔
یاد رہے کہ گزشتہ روز ایران کے جنوب مشرقی علاقے میں مسلح افراد کے حملے میں 5 پولیس اہلکار جاں بحق ہوئے تھے، جس کے بعد یہ کارروائی عمل میں لائی گئی۔
