ایران کے خاتم الانبیاء مرکزی ہیڈکوارٹر کے ترجمان ابراہیم ذوالفقاری نے امریکی صدر Donald Trump کے حالیہ سخت بیانات پر ردعمل دیتے ہوئے کہا ہے کہ محض الفاظ اور پروپیگنڈا امریکا کو ایران کے ہاتھوں ہونے والی شکست کی شرمندگی سے نہیں بچا سکتا۔
اپنے بیان میں انہوں نے کہا کہ امریکی قیادت اس وقت دباؤ کا شکار ہے اور ایسے بیانات حقیقت کو تبدیل نہیں کر سکتے۔ ان کا کہنا تھا کہ موجودہ حالات میں امریکا کو سنجیدگی کا مظاہرہ کرنا چاہیے، نہ کہ دھمکیوں اور بیانات کے ذریعے صورتحال کو مزید خراب کرنا چاہیے۔
پاسداران انقلاب کا ردعمل: ٹرمپ کے مذاکراتی دعوے مسترد، سخت بیان جاری
ابراہیم ذوالفقاری نے مزید کہا کہ امریکی صدر اور ان کی فوج کو درپیش مشکلات محض میڈیا بیانیے یا نفسیاتی حربوں سے حل نہیں ہو سکتیں۔ انہوں نے زور دیا کہ زمینی حقائق کو نظرانداز کر کے بیانات دینے سے حالات بہتر ہونے کے بجائے مزید پیچیدہ ہو سکتے ہیں۔
