9
ایرانی سپریم لیڈر آیت اللّٰہ خامنہ ای نے کہا ہے کہ ایران امریکا کی فرمانبرداری قبول نہیں کرے گا اور واشنگٹن سے براہِ راست مذاکرات کی وکالت کرنے والوں کو "کم عقل” قرار دیا۔
ایرانی سپریم لیڈر آیت اللّٰہ خامنہ ای کا کہنا ہے کہ ایران امریکی فرمانبرداری کے مطالبے کے خلاف مضبوطی سے کھڑا رہے گا۔
اپنے بیان میں ان کا کہنا تھا کہ امریکا چاہتا ہے کہ ایران اس کی فرمانبرداری کرے لیکن ایسا نہیں ہو گا۔
انہوں نے کہا کہ جو لوگ مسائل کے حل کے لیے واشنگٹن کے ساتھ براہِ راست مذاکرات کی وکالت کرتے ہیں وہ "کم عقل” ہیں۔
آیت اللّٰہ خامنہ ای نے مزید کہا کہ مخالفین ایران کے اندر **تفرقہ پیدا کرنے کی کوششوں** میں مصروف ہیں، لیکن قوم متحد ہو کر ان سازشوں کو ناکام بنائے گی۔
