بھارتی ریاست مہاراشٹرا کے شہر مالے گاؤں سے سامنے آنے والی ایک حیران کن ویڈیو نے سوشل میڈیا پر دھوم مچا دی ہے۔ اس ویڈیو میں ووٹر آئی ڈی کارڈ پر مشہور مارول فلموں کے ولن ’’تھانوس‘‘ کی تصویر دیکھی جا سکتی ہے، جس کے بعد یہ معاملہ تیزی سے وائرل ہوگیا۔
ویڈیو کے منظر عام پر آتے ہی صارفین نے اس پر میمز بنانا شروع کر دیں، تاہم دوسری جانب ووٹر لسٹ میں سنگین غلطیوں کی نشاندہی پر انتخابی عمل کی شفافیت پر بھی سوالات اٹھنے لگے۔
رپورٹس کے مطابق متعلقہ ووٹر آئی ڈی کارڈ پر نام، عمر اور پتا بھی یا تو غلط لکھا ہوا ہے یا نامکمل ہے، جس نے عوام کو یہ سوچنے پر مجبور کر دیا ہے کہ سرکاری ریکارڈ میں ایسی غیر معمولی اور واضح غلطیاں کیسے ممکن ہیں۔
مالے گاؤں کے سابق ایم ایل اے آصف شیخ نے الزام لگایا ہے کہ ان کے حلقے میں ہزاروں ووٹرز غیر قانونی طور پر رجسٹرڈ ہیں۔ ان کا دعویٰ ہے کہ 6 ہزار سے زائد ووٹرز بغیر کسی پتے کے فہرست میں شامل ہیں، 3 ہزار 502 ووٹر کارڈز پر جعلی تصاویر درج ہیں جبکہ 11 ہزار سے زائد ڈپلیکیٹ ووٹ بھی موجود ہیں۔
"Where is the hero?”
Indian politician Asif Shaikh Rashid, who lost by 162 votes, alleges fraud after showing a voter ID with Marvel’s Thanos. In the world’s largest democracy, opposition parties have accused the Election Commission of aiding electoral fraud, a charge it denies pic.twitter.com/rpt9OoZq23
— TRT World (@trtworld) August 30, 2025
یہ انکشاف نہ صرف سوشل میڈیا پر مذاق کا باعث بنا بلکہ بھارت میں انتخابی نظام کی درستگی اور شفافیت پر بھی سنجیدہ سوالات کھڑے کر گیا ہے۔
