11
بھارتی ریاست ہریانہ کے شہر روہتک میں بین الاقوامی پیرا ویٹ لفٹنگ ایتھلیٹ روہت کو ایک شادی کی تقریب کے دوران قتل کر دیا گیا، کیونکہ انہوں نے خاتون کو ہراسانی سے بچایا۔
پولیس کے مطابق جھگڑا سیلفی لینے کے تنازع پر ہوا، اور تقریب میں تقریباً 10 مہمانوں نے روہت پر ہتھیاروں اور ڈنڈوں سے حملہ کیا۔ زخمی حالت میں انہیں اسپتال منتقل کیا گیا، لیکن دو روز بعد روہت نے دم توڑ دیا۔
ذرائع کے مطابق تقریب کے دوران راہول نامی شخص نشے کی حالت میں خواتین پر قابل اعتراض الفاظ کہنے لگا، جس پر روہت نے مخالفت کی۔ ابتدائی جھگڑا مہمانوں نے رفع دفع کر دیا، لیکن شادی کے بعد واپسی کے دوران راہول اور اس کے ساتھیوں نے روہت کی گاڑی روک کر اس پر دوبارہ حملہ کیا، جس سے وہ شدید زخمی ہوئے۔
یہ واقعہ بھارتی سوشل میڈیا اور میڈیا رپورٹس میں شدید تشویش اور غم و غصے کا سبب بنا ہے۔
