9
بنگلا دیش کی سابق وزیراعظم شیخ حسینہ واجد کے خلاف انسانیت کے خلاف جرائم کے مقدمے کا فیصلہ کل سنایا جائے گا۔
استغاثہ نے شیخ حسینہ کے لیے سزائے موت کی درخواست کی ہے۔ ان پر 2024 میں طلبہ تحریک کے خلاف کریک ڈاؤن کے احکامات دینے اور وسیع پیمانے پر ہلاکتوں کا الزام ہے۔
اقوام متحدہ کے مطابق مظاہروں کے دوران تقریباً 1400 افراد ہلاک ہوئے تھے۔
عدالتی فیصلہ آنے سے قبل بنگلا دیش میں پرتشدد واقعات جاری ہیں اور کئی مظاہرین کو گرفتار کیا جا چکا ہے۔ عوامی لیگ نے مقدمے کے خلاف احتجاج کے لیے ملک گیر لاک ڈاؤن کا اعلان کیا ہے۔
کشیدگی کے پیش نظر حکومت نے حفاظتی اقدامات بڑھا دیے ہیں اور دارالحکومت میں 400 فوجی تعینات کر دیے گئے ہیں۔
