فلسطینی مزاحمتی تنظیم حماس نے غزہ امن معاہدے کے تحت مزید 4 یرغمالیوں کی لاشیں اسرائیلی حکام کے حوالے کر دیں۔ یہ لاشیں ریڈ کراس کی نگرانی میں رات گئے اسرائیل کو سونپی گئیں، جس سے قیدیوں اور لاشوں کے تبادلے کے عمل کا ایک اور اہم مرحلہ مکمل ہو گیا ہے۔
اس سے قبل بھی حماس نے 4 یرغمالیوں کی لاشیں اور 20 قیدی اسرائیلی حکام کو دیے تھے، جس کا مقصد انسانی بنیادوں پر قیدیوں کی رہائی اور انسانی جانوں کے نقصان کو کم کرنا ہے۔
دوسری جانب امریکی صدر ڈونلڈ ٹرمپ نے غزہ امن معاہدے کے دوسرے مرحلے کا اعلان کیا ہے اور تصدیق کی ہے کہ تمام 20 یرغمالی بخیریت واپس آ چکے ہیں، تاہم امن عمل ابھی مکمل نہیں ہوا اور مزید اقدامات باقی ہیں۔
ٹرمپ کا دعویٰ: حماس کو عارضی طور پر مسلح رہنے کی اجازت دی تھی
غزہ میں اسرائیلی بمباری سے تباہ شدہ عمارتوں کے ملبے سے فلسطینی شہریوں کی لاشیں نکالنے کا سلسلہ جاری ہے، جہاں گزشتہ 24 گھنٹوں میں مزید 44 شہداء کی لاشیں برآمد ہوئی ہیں۔
