8
وزارت مذہبی امور نے اعلان کیا ہے کہ حج 2026 کے لیے جانے والے عازمین کے لیے طبی ماہرین کی خدمات حاصل کی جائیں گی۔
وزارت کے مطابق، حج مشن میں شامل طبی عملے کی عمر 25 سے 55 سال کے درمیان ہونی چاہیے۔ حج مشن کے لیے 98 ڈاکٹرز اور فارماسسٹس کے علاوہ 196 پیرا میڈیکل اسٹاف درکار ہیں۔ دل، شوگر یا ہائی بلڈ پریشر کے مریض اہل نہیں ہوں گے۔
طبی عملے کے امیدواروں کو ڈسٹرکٹ ہیڈ کوارٹر اسپتال سے فٹنس سرٹیفکیٹ جمع کروانا ہوگا اور امیدواروں کا انتخاب این ٹی ایس کے ذریعے ٹیسٹ کے بعد کیا جائے گا۔ درخواستیں جمع کرانے کی آخری تاریخ کل ہے۔
وزارت کے مطابق، میڈیکل حج مشن کے لیے کم از کم تین سال کا سرکاری سروس تجربہ ضروری ہے، ریٹائرڈ اہلکار اہل نہیں ہوں گے اور صرف حاضر سروس اہلکار ہی منتخب ہو سکتے ہیں۔
منتخب افراد حج کے دوران سعودی عرب میں ڈیوٹیاں انجام دیں گے، جبکہ خواتین میڈیکل اسٹاف کے لیے 30 فیصد کوٹہ مخصوص کیا گیا ہے۔
