مشرقِ وسطیٰ میں بڑھتی ہوئی کشیدگی کے پیش نظر خلیجی ممالک نے اپنے دفاعی اور فضائی نگرانی کے نظام کو ہائی الرٹ کر دیا ہے۔ ایران کی جانب سے ممکنہ حملوں کے خدشات کے باعث خطے کے کئی ممالک نے اہم فوجی تنصیبات اور تیل کے مراکز کی سکیورٹی مزید سخت کر دی ہے۔
سیکیورٹی ذرائع کے مطابق خلیجی ریاستوں نے اپنی فضائی حدود کی نگرانی بڑھا دی ہے اور جدید میزائل دفاعی نظام کو فعال حالت میں رکھا گیا ہے۔ اس کے علاوہ فوجی اڈوں، بندرگاہوں اور توانائی کے اہم منصوبوں کے گرد اضافی سکیورٹی تعینات کی گئی ہے تاکہ کسی بھی ہنگامی صورتحال سے فوری طور پر نمٹا جا سکے۔
دفاعی ماہرین کا کہنا ہے کہ خلیج کے ممالک کی معیشت بڑی حد تک تیل اور گیس کی برآمدات پر منحصر ہے، اس لیے تیل کی تنصیبات اور برآمدی مراکز کی حفاظت انتہائی اہم سمجھی جاتی ہے۔ اسی وجہ سے حکومتوں نے حساس تنصیبات، ریفائنریوں اور بندرگاہوں پر نگرانی کا نظام مزید مضبوط کر دیا ہے۔
یورپی ممالک کی شہریوں کو مشرقِ وسطیٰ چھوڑنے کی ہدایت
ماہرین کے مطابق اگر خطے میں کشیدگی برقرار رہی تو دفاعی اقدامات میں مزید اضافہ کیا جا سکتا ہے، جبکہ خلیجی ممالک حالات پر گہری نظر رکھے ہوئے ہیں اور ممکنہ خطرات سے نمٹنے کے لیے تیاری جاری ہے۔
