اسرائیلی فوج نے غزہ میں جنگ بندی کی خلاف ورزی کرتے ہوئے مزید 3 فلسطینیوں کو شہید کر دیا ہے، جبکہ غزہ میں کلینک کے ملبے سے 35 ناقابل شناخت لاشیں برآمد ہوئی ہیں۔
غزہ کی وزارت صحت کے مطابق یہ حملے گزشتہ ماہ نافذ ہونے والی جنگ بندی کے باوجود جاری ہیں، جسے امریکی صدر کی منظوری حاصل تھی۔
شہید فلسطینیوں کی مجموعی تعداد دو سال سے زائد جاری اسرائیلی حملوں میں 69 ہزار 180 سے زائد ہو چکی ہے، اور ایک لاکھ 20 ہزار سے زائد افراد زخمی ہو چکے ہیں۔
فلسطینی مزاحمتی تنظیم حماس نے بیان میں کہا کہ اسرائیلی فوج کے حملوں کا زیادہ تر نشانہ رہائشی عمارتیں اور عام شہری ہیں، اور اسرائیل دو منزلہ عمارتوں کو نشانہ بنا رہا ہے۔
غزہ میں ترک فوج کی تعیناتی ناقابلِ قبول، اسرائیلی وزیراعظم کے ترجمان کا دو ٹوک مؤقف
غزہ کے شہری دفاع کے مطابق کلینک کے ملبے سے برآمد ہونے والی لاشیں ناقابل شناخت ہیں، جو حملوں کی شدت کی عکاسی کرتی ہیں۔
