واشنگٹن: معروف امریکی اخبار واشنگٹن ٹائمز نے رپورٹ دی ہے کہ مئی کی پاک بھارت جنگ کے بعد فیلڈ مارشل سید عاصم منیر ڈونلڈ ٹرمپ کے اِنر سرکل کے اسٹار کے طور پر ابھرے ہیں۔
اخبار کے مطابق، ٹرمپ اور عاصم منیر کے تعلقات کو ہاف جوکنگ انداز میں "برومانس” قرار دیا گیا ہے۔ عاصم منیر کو مختلف القابات دیے گئے، جن میں Disciplined Dark Horse اور Deliberate Mystery شامل ہیں۔ واشنگٹن میں ہونے والی لنچ میٹنگ کو کسی پاکستانی فوجی سربراہ کے لیے تاریخی اور پہلی مثال قرار دیا گیا۔
امریکی ذرائع کی رائے
واشنگٹن ٹائمز کے مطابق پاکستان کی ملٹری کارکردگی نے ٹرمپ انتظامیہ کو حیران کر دیا اور 2025 کو پاک-امریکا تعلقات میں انقلابی تبدیلی کا سال قرار دیا گیا۔ فیلڈ مارشل عاصم منیر کو سینٹ کام ہیڈکوارٹرز میں ریڈ کارپٹ استقبال کیا گیا اور امریکی عسکری قیادت کے ساتھ اعلیٰ سطحی اسٹریٹجک مذاکرات بھی کیے گئے۔
اخبار نے یہ بھی لکھا کہ 2026 کے آغاز میں پاکستان کو ٹرمپ کی گرینڈ اسٹریٹیجی کے مرکز کے قریب دیکھا جا رہا ہے، اور نئی امریکی پالیسی کی پائیداری بھارت اور پاکستان کے رویے سے مشروط رہے گی۔ رپورٹ میں یہ واضح کیا گیا کہ 2025 میں امریکی پالیسی اور جنوبی ایشیا کے توازن کو ری رائٹ کرنے میں پاکستان اور فیلڈ مارشل عاصم منیر نے اہم کردار ادا کیا۔
