اسرائیل ڈیفنس فورسز (IDF) نے ایران کے سپریم لیڈر آیت اللّٰہ علی خامنہ ای کے دفتر کے نیچے موجود مبینہ خفیہ زیرِ زمین بنکر کی تھری ڈی ویڈیو جاری کر دی ہے۔
بین الاقوامی میڈیا رپورٹس کے مطابق اس ویڈیو میں تہران میں موجود اس زیرِ زمین تنصیب کی ساخت اور اندرونی ترتیب کو تھری ڈی اینیمیشن کے ذریعے دکھایا گیا ہے۔ بتایا گیا ہے کہ یہی وہ مقام تھا جہاں اسرائیلی فضائی حملے کے وقت آیت اللّٰہ علی خامنہ ای موجود تھے۔
امریکی جریدے نیویارک پوسٹ نے بھی اس ویڈیو کو اپنے سوشل میڈیا پلیٹ فارم ایکس پر شیئر کیا اور دعویٰ کیا کہ اسرائیلی فضائیہ نے اس مقام کو نشانہ بنانے کے لیے تقریباً 50 لڑاکا طیارے استعمال کیے تھے۔
ایران پر امریکی و اسرائیلی حملے: آیت اللّٰہ خامنہ ای کہاں ہیں؟
جاری کردہ اینیمیشن میں زیرِ زمین بنکر کے مختلف حصوں کی وضاحت کی گئی ہے، جس میں کم از کم آٹھ داخلی راستے دکھائے گئے ہیں۔
This is where late Iranian Supreme Leader Ali Khamenei was located when the IDF attacked with 50 Israeli Air Force fighter jets. The Israeli Defense Forces released a 3-D animation laying out "an illustration of the underground bunker” in Tehran. pic.twitter.com/7yJb5XWmC2
— New York Post (@nypost) March 6, 2026
واضح رہے کہ امریکا اور اسرائیل نے 28 فروری کو تہران میں مشترکہ فضائی کارروائی کی تھی جس میں ایران کے سپریم لیڈر آیت اللّٰہ علی خامنہ ای، وزیر دفاع اور ان کے قریبی ساتھیوں کی ہلاکت کی اطلاعات سامنے آئی تھیں۔
